Show Mi的第一次



寫虛擬《亞洲殿堂天后演唱會》時,我心諗,鄭秀文可否稱為diva?阿Mi新作《愛情萬歲》,把聲乾掙掙,高峰期唱功也未見超卓,再走下坡怎能說是女王?幸好她還肯唱快歌《Mi》,總算有點天后格。

我記得睇佢參加新秀,唱《乾一杯》把聲好響,仲話得16歲,細我一年,同學之間議論紛紛,所以幾有印象。

冠軍譚耀文扮張國榮,連鴨尾頭都跟足,打晒跟斗,好出位,華星很快幫他出唱片,又送他去參加在日本名古屋舉行的第一屆亞洲音樂節,專誠作了首《Jo Jo》給他,谷得幾行。

亞軍何國星歌都冇首,華星連雜錦碟也沒有預他玩,後來好似做了TVB配音員,配過《龍珠》悟飯,還開班授徒,而家唔知去邊。

鄭秀文90年出處女作《Sammi》,我記得有黑膠碟,我怎樣界定我個年代的歌手呢?有出過黑膠的就算,所以鄭秀文車邊都係。

《Show Mi》今個禮拜開騷了,壞心腸的朋友說,有得睇就睇喇,唔知仲有冇機會...咁又係,以她唔憂做咁款,唔知仲有冇下次。

88年第七屆新秀,表演嘉賓竟然是成龍和河合奈保子,應該是合唱「屎雨點」《午夜吻別前》,笑話一個。阿梅出來頒獎合照,看造型是《Stand By Me》期,我唔明點解TVB唔將新秀精華出DVD,又可以賺一筆啦,方小姐。






























This Is Mi
兩粵兩國,四首歌包到咁大盒,內容小包裝大,而家做唱片靠這樣,十年八載後還會令人留下什麼回憶?

17 comments:

Wordy said...

封面女郎係 1990 年推出架。

Fun said...

我有個很要好的女仔朋友也有參加88新秀,入了30名,我還陪她一起選戰衣!準決賽當晚我當然有到利舞台打氣,我好記得鄭秀文唱完《乾一杯》之後,得到相當多的喝采聲,一來以她16歲之齡有如此不錯的唱功,二來她的樣貌亦是當晚女參賽者中之冠。

我對初期出道(90-93)的鄭小姐也有相當好感,還有買她的唱片.. 但自從她行前衛以後.. 好作狀,想死.. 至於她的舞台表現.. 『行』到呢.. 還有,自從她在明周專欄曝光後更惹人煩厭,由她講佛諾伊德,咪玩啦!總之,她要去diva這個位,我想.. 好難囉!

對不起,無意冒犯~ 純粹個人意見..

chi said...

to wordy,

係喎,應該係《Stand By Me》,改番先。

chi said...

To fun,

我都好鍾意她第2張碟《Holiday》,concept、選歌和美指幾好,不過其實她的作狀唱腔在《Valentino》已開始出現。

93年我未開始聽厭佢,CY Kong的快歌好好,在華星的小品經營下,慢歌都有味道,最後一張《其後》將她的歌路提高了不少。

過檔華納後才因大路過大路,令人提不起興趣,K歌加「前衛」形象,殺入MK族,才令你和我敬而遠之。

全盛期過後,她偶然搞下新意,可能因為有蔡德才班底,可聽性可反高過最紅時,但唱功日漸西下,永遠返唔去《乾一杯》第一次出現時的明亮。

Anonymous said...

鄭瘦文唱{情斷維也納}難聽到死, 首歌本來唔難聽, 但佢唱得好恐怖!
我都唔明佢點解唔肯學下聲樂, 成日淨係掛住整頭整髻整衫, 減肥又減到個身體壞哂, 睇住佢面腫身瘦個樣真係覺得好scary!

Fun said...

講漏左d野..

何國星原本好似係郵差黎架..

河合奈保子88年已經係連續第2年做新秀嘉賓架啦,87年都係佢!

88年新秀期間,岩岩推出“午夜吻別前”,河合趁勢黎埋做宣傳,又上Sunday任你點、EYT,又拍埋MV.. 呢首歌推出之後電台都有播架,有上過叱吒添!

午夜吻別前其實有日文版,都係成龍+河合,個編曲好好多架..

Anonymous said...

前一陣子,睇過鄭秀文係雜誌嘅訪問。佢話好耐無現場唱「其實你心理有沒有我」,原因係首歌太高音,唔打算係演唱會度再唱。我心裡奇怪,唔係嘩,真係唔多覺首歌難唱成咁喎。相比其他天后啲歌,更只屬輕量級程度,正所謂難極都有個譜。真係唔知Sammi係休息得太耐,信心不足,定係佢都知自己嘅唱功,實在斤兩有限,無謂以身犯險,攞架嚟丟。

其實個時聽佢翻唱「多得他」,都覺得佢唱得幾吃力,高音部份 (已經比原曲降低咗幾個音),都仲要靠啲chorus去back up託住,致叫做遮遮掩掩咁輕輕帶過,完全失咗原曲powerful嘅味道。睇怕要佢現場唱呢首歌,真係更加唔駛諗喇。

Anonymous said...

好認同 順風耳 對《情斷維也納》的感覺!
記得我第一次聽呢首歌,係同我家姐一齊聽,我地兩個聽完異口同聲:「嘥晒首歌!」
其後有機會聽番原曲,發現編曲幾乎一樣,內容都同中文版差唔多,咁即係話係鄭小姐既唱腔破壞晒首歌......
初初幾隻碟,好憎佢d "T" 音,誇張到死!好彩後來收斂左。hit歌我最鍾意《say you'll be mine》,反而favourite side track有好多,《醉鄉》from "holiday"、《那天你愉快嗎?》"同居蜜友"插曲、《艷遇》etc。

Wordy said...

何國星參加新秀前已在《歡樂今宵》一個歌唱比賽做過幾任台主;係舊公司春茗見過佢,當時做配音。

best actor said...

娃娃看天下。

Fun said...

聽佢唱多得他真係想死~

唱灰色都係另一噴飯之選.. 呢d真係叫無咁大個頭唔好帶咁大頂帽..

不過咁,我都好鍾意佢其中一d舊歌既..

不來的季節、醉鄉、娃娃看天下、say u'll be mine、chotto等等、熱愛島、折翼天使 etc..

MiFan said...

Its seems not mi fan over here ...haha....
ya .. u do think that sammi not a diva ... not a big deal ....

but i can sure 90% people there think that sammi is hk 's diva !!

one of the 90% is ME ! im not from hk ... but sammi cheng always is a diva in my heart until forever .

i understand we cannot expect 100% people in world to like a person . different ppl , different thinking , different ppl , different comment .....


so , this is something i wanted to sound out

Unknown said...

世间觉无完美之事,就像不是100%的人类都
属于MIfan那样,就像不是100%的人愿意花时间去了解sammi那样,她不需要人们的了解,正因为她已看穿了世间的不完美!!!
我永远撑她!!!

Unknown said...

世间觉无完美之事,就像不是100%的人类都
属于MIfan那样,就像不是100%的人愿意花时间去了解sammi那样,她不需要人们的了解,正因为她已看穿了世间的不完美!!!
我永远撑她!!!

Anonymous said...

楼主真是有恋尸癖!

Anonymous said...

同意chang講GE野,最重要係..我覺得除非你地做得好過Sammi如果唔係你地無資格批評佢LOR

Anonymous said...

shit!!!!!!
我支持MIFAN的说法......
MI不可能可以去满足每一个人.....
MI熬得鸡汤..你们不喜欢就算了..
我相信还有其他的人会欣赏...
拜托....你们不喜欢这MI熬的"鸡汤"...
就不要批评....
至少MI为了这个"鸡汤"下了不少心机...